التاروت - Tarot
التاروت
بعيدا عن تاريخ التاروت بتكلم عن كيفيه عمله و الاسباب غالبا ..
الناس فضوليين سواء لمعرفه القادم او معرفه حدث معين او معرفه سر
او مشاعر شخص معين .
بدلا من الانخراط في التفكير والتعب النفسي للتفكير بالمجهول الناس غالبا تلجأ لطرق مختلف للمعرفه .
هنا الطريقه الاكثر فعاليه للاشارات حول الموضوع شيء حسي مو مادي .
التاروت يعطي اجابه تشبع فضول العقل لكن غالبا اشارات و دلالات واحساس اكيد .
مثلا : معرفه قصه معينه صارت لك بالماضي انت تجهلها , بتجيك القصه لكن مو بالشكل الدقيق .مو مثل لما تشوف الشيء بعينك بس بيكون احساس وغالبا يكون صحيح لان من الماضي ..
القصه تكون واضحه اكثر كلما تم تقليب الورق اطول , و كلما سحبنا ورقه للتوضيح .
الناس الواعيه عميقه التفكير بتفهم اليه عمل التاروت . على عكس الناس العمليه الماديه السطحيه .
ماراح يتقبلون فكره التارو لو حتى اثبتنا لهم .
عموما افضل شي بالتاروت معرفه الاسرار .. شلوون ..؟
يعني مثلا تجيني وحده تسألني بموضوع هي جاهله فيه عن شخص تحبه او صديقه او اي شخص , تسالني عنه .
مثلا : ليش هذي الانسانه حزينه او مشغوله او تتصرف بشكل غريب ؟
هنا بنوي قبل القراءه نيه السؤال وبعدها اسحب البطاقه واشوف الاجابه .
طبعا بتكون الاجابه صحيحه اذا الشخص القارىء يملك الطاقه العاليه والحدس والمعرفه الاجتماعيه .
ولازم يكون عقل قارئ التارو صافي جدا بدون مشاعر سلبيه ويتطلب تركيز عالي .
طيب بخصوص المستقبل او مصير شي معين ؟
هنا غالبا ابعد اني اعطي الاجابه لو حتى ظهرت لي . ليش ؟ لماذا ؟
لان المستقبل قابل للتغير و اعطائي الاجابه للشخص اللي طلب مني القراءه ماراح تفيد ..
يمكن يكون ش سلبي جدا لدرجه لو قلته للشخص ماراح يحاول يغيرر من الحقيقه بس بيخاف .
واحنا نعرف قانون الجذب ؟ اذا فكرنا بشي كثير او نخاف منه بشكل مفرط بيصير .
غالبا اتحفظ اني اجاوب الاشخاص بخصوص المستقبل .. انا قريت لنفسي وجتني حاله نفسيه قويه جدا .
بخصوص معرفه مستقبلي بموضوع معين , ف الافضل لما وحده تبيني اقرا لها . نبي نبعد عن المستقبل قدر الامكان .
ودائمما خلوا نيتكم صافيه وسليمه قبل السوال عشان تطلع الاجابه واضحه .
تنويه : لما اقرا لشخص معين اتمنى قبل الطلب مني تكونوا محترمين اختياري للوقت , عشان اكون مركزه وايجابيه واقرا في بيئه هاديه و استشارتي شيخه شسوي ؟ طيب وشرايك شيخه ؟ هنا بعطيكم رأيي الشخصي لكن تقبلوا وجه نظري سواء سلبيه او ايجابيه .
وبكذا انتهينا شكرا لكم
تعليقات
إرسال تعليق